પેન્શનરો માટે રાહતના સમાચાર

 

સુરત જિલ્લાના 25000 પેન્શનરો માટે રાહતના સમાચાર: ઓગસ્ટ મહિના સુધીમાં હયાતીની ખરાઈ કરાવી શકાશે

- ઑગસ્ટ મહિના સુઘીમાં ખરાઈ કરવામાં નિષ્ફળ જાય તો સપ્ટેમ્બરથી પેન્શન બંધ

સુરત, તા.8 મે 2020, શુક્રવાર

લોક ડાઉન કારણે સુરત શહેર જિલ્લાના 25000 પેન્શનરો માટે રાહતના સમાચાર આવ્યા છે. જિલ્લા તિજોરી અધિકારી દ્વારા આગામી ઓગસ્ટ મહિના સુધીમાં હયાતીની ખરાઈ કરાવવાનો આદેશ કર્યો છે.  

કારોનાની મહામારીને ધ્યાનમાં લઈ વર્ષ 2020માં પેન્શનરોની વાર્ષિક હયાતીની ખરાઈ મે મહિનામાં કરાવવાને બદલે જુન મહિનામાં કરાવવાનું ઠરાવવામાં આવે છે. ઉપરાંત જે પેન્શનરો જૂન મહિનામાં હયાતીની ખરાઈ ન કરાવી શકે તેઓ જુલાઈ અને ઓગષ્ટ મહિનામાં પણ હયાતીની ખરાઈ કરાવી શકે છે. પેન્શનર બેંકમાં www.jeevanprarriaan.gov.in પર ઓનલાઈન હયાતીની ખરાઈ પણ કરાવી શકશે. આમ સને 2020માં જુન, જુલાઈ કે ઓગસ્ટ માસમાં હયાતીની ખરાઈ કરાવવામાં નિષ્ફળ જાય તો તેવા કિસ્સામાં સપ્ટેમ્બર માસથી પેન્શનની રકમનું ચુકવા સ્થગિત કરવામાં આવશે.

જે પેન્શનરોના આધાર કાર્ડ તથા પાન કાર્ડ બાકી છે. તેવા પેન્શનરો એ આધાર કાર્ડ તથા પાન કાર્ડ હયાતિના ફોર્મ સાથે અચૂક સામેલ કરવા. વિદેશમાં રહેતા પેન્શનરોએ તેઓની હયાતી નોટરી પાસે ફોટા સહિત, બેંક, શાખા, પીપીઓ નંબર, ખાતા નંબર લખીને કરાવવા વિનંતી છે. અત્રેની કચેરીની પૂર્વ મંજુરી વિના જે પેન્શનરોએ તેઓની બેંકની શાખા બદલેલ હશે તેવા પેન્શનરોની હયાતિની ખરાઇ કરવામાં આવશે નહિ. નોંધ લેવી. 

પેન્શનરોએ અત્રેની કચેરીમાં પીપીઓમાં કરેલ સહીના નમુના મુજબની જ સહી હયાતીના ફોર્મ પર કરવી રહે. ચાલુ નાણાકીય વર્ષ દરમ્યાન જે પેન્શનરો આવકવેરો કપાવા માગે છે તેની વિગત પૂરી પાડવી તથા આવકવેરાના હેતુ માટે રોકાણ કરનાર હોય તેવા પેન્શનરોએ અત્રેની કચેરીને રોકાણની માહિતી ફોર્મ 12મીમાં પુરી પાડવી રહે. સને 2019-20ના આવકના પ્રમાણપત્ર https://cybertreasurygujaratgov.in વેબસાઈટ પરથી મેળવી લેવા જણાવવામાં આવે છે.

( News Source - Gujarat Samachar 1/6/2021 Surat